Калі аранжавая чайка
кружыць над ярка-чырвоным акіянам
з бэзавымі крыстамі хваляў,
калі птушка мае чатыры крылы
і ня мае вачэй,
калі праз ваду
відаць ядро планэты і магма,
што пульсуе і абвівае
падводныя
гарача-барвовыя
і лядова-сінія рыфы,
утвараючы рознакаляровыя крыжы,
а белы-белы да зьнікненьня,
я не адчуваю цела –
бачу толькі адлюстраваньні
ў сваіх зрэнках...
Не будзіце мяне –
мой найшчасьлівейшы сон...
2001
|
|
